ჩვენ შესახებ

გაუმჯობესება უკეთესი გაგრძელებისთვის!

კომპანია სმარტფარმი წარმოადგენს საერთაშორისო ფარმაცევტული კომპანიების სანდო პარტნიორს საქართველოში. ის 2012 წლიდან საქართველოს ფარმაცევტულ ბაზარს ამარაგებს და ყოველთვის სთავაზობს მას გამოცდილ, სტაბილურ, ბიუჯეტურ და მაღალი ხარისხის ევროპულ პროდუქციას.

კომპანია მუდმივად აუმჯობესებს თავის შედეგებს უკეთესი გაგრძელებისა და მომავლისთვის. ქართულ ბაზარზე ის სწრაფად მზარდი ფარმაცევტული ბრენდია, ერთმანეთთან მჭიდროდ დაკავშირებული გუნდის წევრებით, გაზიარებული ღირებულებებითა და საინტერესო ყოველდღიურობით.

დღეს კომპანია უკვე 1000 – მდე აფთიაქთან, მსხვილ ფარმაცევტულ ბაზასთან და სამედიცინო დაწესებულებასთან წარმატებით თანამშრომლობს. კომპანია დაფუძნებულია 100% -ით ქართული კაპიტალით, ბიზნესის მხარდაჭერას კი უზრუნველყოფენ ფარმაცევტულ სფეროში მრავალწლიანი გამოცდილების მქონე უცხოელი პარტნიორები. ბიზნესის სასაწყობო სივრცე ფლობს GDP -სა და ISO 9001 -ის სტანდარტს.

მომხმარებლის საჭიროებაზე ორიენტირებული გუნდი მუდმივად ეძებს გაუმჯობესების ახალ-ახალ ინოვაციურ მიდგომებსა და საშუალებებს, რომლებიც უკეთ მოემსახურება თანამედროვე მოთხოვნებსა და ადამიანების კეთილდღეობას.

ჩვენი ღირებულებები

გამბედაობა

ჩვენი გამბედაობა ახალი, განსხვავებული იდეების განვითარებაა, რომლებსაც ხშირად სხვები მიყვებიან. ჩვენი გამბედაობა ჩვენს ხასიათშია, რომელიც გვაძლევს ძალას არ გვეშინოდეს სიახლეების, დაბრკოლებებისა და ცვლილებების. ჩვენი გამბედაობა მუდმივ ქმედებაშია, რომელსაც ყოველდღე ვახორციელებთ და რომელსაც შედეგები მოაქვს.

პასუხისმგებლობა

ჩვენ ვართ პასუხისმგებლიანი კომპანია და ეს აისახება ბაზრისთვის ეფექტური და ხელმისაწვდომი სამკურნალო საშუალებების და გადაწვეტილებების შეთავაზებაში, პარტნიორებთან, საზოგადობასთან და ქვეყანასთან პასუხისმგებლიანი ურთიერთობების ჩამოყალიბებაში.

გონიერი გადაწყვეტილებები

ყველაფერს, რასაც ვაკეთებთ, ვაკეთებთ გონიერად, შორს მიმავალ შედეგებზე გათვლით, თანმიმდევრობით. ეს ეხმარება კომპანიას სტაბილურობის და, შესაბამისად, წარმატების შეგრძნების გაძლიერებაში.

მხარდაჭერა

ჩვენ მხარს ვუჭერთ ერთმანეთს, პარტნიორებს, ექიმებს, ადამიანებს, პაციენტებსა და მოწყვლად ჯგუფებს; კრიზისსა თუ არაკრიზისულ სიტუაციებში და ყოველთვის ვიზიარებთ საერთო გამოწვევებს.

კომპანიის ისტორია

კომპანიის ისტორიის დასაწყისი ცხოვრებაში ყველაზე დიდი სტარტის აღებას დაემთხვა და ეს მესამე შვილის დაბადება იყო.

2012 წელს, როცა პარალელური იმპორტის შესაძლებლობა გაიხსნა ქვეყანაში, დღევანდელი კომპანიის მფლობელებმა დაინახეს შესაძლებლობა. ბიზნესის დაწყების იდეა დეკრეტული შვებულების დროს ჩამოყალიბდა და ამავე დროს განხორციელდა.

მაშინ მფლობელები მცირე რესურსს ფლობდნენ, მაგრამ ქონდათ დიდი გამბედაობა, რომელმაც პირველი ნაბიჯი გადაადგმევინა და, ერთი შეხედვით შეუღწეველ, დიდ ფარმაცევტულ ბიზნესში აღმოჩნდნენ. ბიზნესის საწყისი კაპიტალი 15000 ლარს შეადგენდა. თავიდან სამი ადამიანი ითავსებდა ყველაფერს: მომწოდებლებთან და კლიენტებთან მოლაპარაკებები, იმპორტი, განბაჟება, შეკვეთის მიღება, მომზადება, მიწოდება…

ნელ-ნელა დაკვეთებმა ზრდა დაიწყო, შესაბამისად ბიზნესიც გაფართოვდა. როგორც ყველგან, აქაც იყო სირთულეები… ბიზნესმა ორჯერ სრული „რესტარტი“ განიცადა, მაგრამ გუნდის რწმენა იმხელა იყო წარმატებაში, მფლობელებს რეალური მონაცემების დამალვაც კი მოუწიათ, რათა გუნდის რწმენა და იმედი არ შეერყიათ.

გამბედაობამ, მოტივაციამ, ძალამ და გონიერებამ თავისი გაიტანა, ბიზნესი დღითიდღე უმჯობესდებოდა და მან მალე მუდმივი წინსვლა უზრუნველყო. დღეს ბრენდს ადგილი აქვს დამკვიდრებული გლობალურ და ლოკალურ დიდ მოთამაშეებს შორის და აგრძელებს გაუმჯობესებასა და განვითარებას.

გუნდი

გიორგი მგალობლიშვილი

ლოჯისტიკის დეპარტამენტის ხელმძღვანელი

ჩემი კარიერული ისტორია Smartpharm-თან ერთად იწყება კომპანიის დაარსების დღიდან. მის პირველ ნაბიჯებს ადევნებოდი და მას შემდეგ განუწყვეტლივ ვიმყოფები ამ გუნდის გვერდით. ეს არ ყოფილა უბრალოდ სამუშაო ადგილი — ეს იყო შანსი გავმხდარიყავი სრულიად ახალი, ამბიციური წამოწყების თანამონაწილე.

სმარტფარმში მუშაობის დაწყებისას წარმოდგენა არ მქონდა, თუ რამდენად შთამბეჭდავ წარმატებას მიაღწევდა კომპანია. დღეს თამამად შემიძლია ვთქვა, რომ მან ჩემი მოლოდინები არა მხოლოდ გაამართლა, არამედ საგრძნობლად გადააჭარბა კიდეც — განვლილი გზა არის ამის ნათელი დადასტურება.

უკვე 10 წელზე მეტია ამ კომპანიის გუნდის წევრი ვარ და ამ პერიოდის განმავლობაში არაერთი პროფესიული გამოწვევა და გამარჯვება მახსოვს. ამჟამად ვმუშაობ ლოგისტიკის სამსახურის ხელმძღვანელად და ვაკონტროლებ სხვადასხვა მნიშვნელოვან ოპერაციულ პროცესებს.

Smartpharm-ის გუნდის წევრობა ჩემთვის ნიშნავს იყო ერთგვარი ოჯახური ერთობის ნაწილი. ეს არ არის მხოლოდ პროფესიული სივრცე — ეს არის გარემო, სადაც ერთგულება, მხარდაჭერა და საერთო მიზანი აერთიანებს ადამიანებს. ვისურვებდი, რომ ყველა თანამშრომელმა იგრძნოს ეს სითბო და შინაარსი, რადგან მხოლოდ ასეთ გარემოშია შესაძლებელი სრულფასოვანი პროფესიული თვითგამოხატვა.

თუ უცხო ადამიანს მექნებოდა საშუალება გავაცნო ჩვენი კომპანია, ვეტყოდი, რომ Smartpharm არის მაგალითი იმისა, როგორ უნდა ააწყო წარმატებული ბიზნესი ნულიდან, ღირსეულად გადალახო სირთულეები და ყოველწლიურად აჩვენო მზარდი პროგრესი. ეს არ არის უბრალოდ წარმატება — ეს არის მიზანმიმართული, სტაბილური და დინამიური განვითარება, რომელიც ადასტურებს კომპანიის სტრატეგიულ სიძლიერეს.

კომპანია მაძლევს მუდმივი განვითარების შესაძლებლობას. აქ მოდუნების ადგილი არ არსებობს — ყოველთვის გჭირდება სწრაფვა უკეთესობისკენ. ეს მახასიათებელი, ვფიქრობ, ყველაზე ძვირფასია პროფესიული თვალსაზრისით.

ჩემთვის უმნიშვნელოვანესი მიღწევა არის ის, რომ ამ წარმატებული კომპანიის შენებაში საკუთარი წვლილი მაქვს შეტანილი. თითოეული ნაბიჯი, პროექტი და გამოწვევა იყო შესაძლებლობა გამემყარებინა ჩემი პროფესიული იდენტობა.

სამომავლოდ, მაქვს კონკრეტული გეგმები, რომლებიც მოიცავს ექსპორტის მიმართულებით აქტივობების განვითარებას, კომპანიისათვის საკუთარი წარმოებისა და სააფთიაქო ქსელის ჩამოყალიბებას. მჯერა, რომ ეს ხედვები შეუწყობს ხელს როგორც კომპანიის, ისე ჩემი პროფესიული შესაძლებლობების ზრდას.

თეა გოგუაძე

კომერციული პროექტების ხელმძღვანელი

Smartpharm-ში მუშაობა მეგობრის რეკომენდაციით დავიწყე. უკვე 1 წელია, რაც ვარ კომპანიის გუნდის წევრი და ამ დროის განმავლობაში ვსრულებ კომერციული მიმართულების მართვის ფუნქციებს: ვგეგმავ და ვახორციელებ კომერციულ პროექტებს, ვიძიებ ახალ შესაძლებლობებს, ვსაზღვრავ სტრატეგიულ მიმართულებებს და ვმართავ გაყიდვების პროცესს.

გუნდის წევრობა Smartpharm-ში ნიშნავს მუშაობას მაღალი პასუხისმგებლობის მქონე, განვითარებაზე ორიენტირებულ და პროფესიონალურ გარემოში, სადაც გადაწყვეტილებები ემყარება თანამშრომლურ მიდგომას და მიზნისკენ თანმიმდევრულად სვლას.

კომპანია გამოირჩევა მოქნილობით, შრომისმოყვარეობითა და განვითარებისკენ სწრაფვით — სწორედ ეს ქმნის სივრცეს პიროვნული და პროფესიული წინსვლისთვის.

Smartpharm მაძლევს შესაძლებლობას განვივითარო ინიციატივისა და ადაპტაციის უნარი, რაც მნიშვნელოვანწილად აძლიერებს ჩემს გამოცდილებას ბიზნესის მართვის სფეროში.

სამომავლოდ ვგეგმავ აქტიური ჩართულობით შევუწყო ხელი კომპანიის ცნობადობის ზრდას როგორც ადგილობრივ, ისე საერთაშორისო ბაზარზე და ჩემი წვლილი შევიტანო ბრენდის სტრატეგიული განვითარებაში.

ელდარ ტუფურია

ფინანსური დეპარტამენტის ხელმძღვანელი

ჩემი თანამშრომლობა Smartpharm-თან დაიწყო პირადი ნაცნობობით. მაშინ კომპანია საქმიანობის საწყის ეტაპზე იყო და ბუნებრივია, წარმოდგენაც მქონდა სტანდარტულ სამუშაო გარემოზე, რომელიც არ გამოირჩეოდა რაიმე განსაკუთრებული მახასიათებლით. თუმცა, წლებმა სხვაგვარად აჩვენა – Smartpharm-მა გაცილებით მეტი აღმოჩნდა, ვიდრე ელემენტარული მოლოდინი.

უკვე 12 წელია ვმუშაობ კომპანიის მთავარ ბუღალტრად. ჩემი პასუხისმგებლობა მოიცავს კომპანიის ფინანსური აღრიცხვის სისტემების მართვასა და ყველა ბუღალტრული პროცესის კოორდინაციას. ეს პოზიცია ჩემთვის არ არის მხოლოდ პროფესიული ფუნქცია – ეს არის ყოველდღიური თანამონაწილეობა კომპანიის საქმიანობის გამჭვირვალესა და სტაბილურ განვითარებაში.

Smartpharm-ის გუნდის წევრობა ჩემთვის ნიშნავს პროფესიული სტაბილურობისა და ადამიანური მხარდაჭერის ერთიანობას. ჩვენს გუნდს ჰყავს მყარი, შეკრული ბირთვი, რაც ქმნის არა მხოლოდ პროფესიულ, არამედ ურთიერთნდობაზე დაფუძნებულ გარემოსაც.მცირე ბიზნესიდან დაწყებული და დღეს უკვე მსხვილ სამედიცინო და ფარმაცევტულ კომპანიად ჩამოყალიბებული ორგანიზაცია ნათლად ადასტურებს იმას, რომ სწორად დაგეგმილი და განხორციელებული მენეჯმენტი საშუალებას აძლევს კომპანიას, თანმიმდევრულად გადალახოს განვითარების ყველა ეტაპი.

ყველაზე მეტად ვაფასებ კომპანიის ხედვებს – მის უნარს იდენტიფიციროს განვითარებისთვის საჭირო მიმართულებები და განახორციელოს გრძელვადიანი სტრატეგიები. ეს მიდგომა ქმნის სამუშაო გარემოს, სადაც პროფესიონალებს აქვთ ადგილი და მნიშვნელობა.

რაც შეეხება სამომავლო გეგმებს – ჩემი პროფესია მოითხოვს ობიექტურობას და ჩარჩოებში დარჩენას. ბუღალტერი პასუხისმგებელია მონაცემების დამუშავებასა და ასახვაზე. შესაბამისად, განვითარების გეგმების ჩამოყალიბება სხვა სტრუქტურული ერთეულების კომპეტენციაა. მე კი ვრჩები ჩემს ფუნქციურ სივრცეში და ვცდილობ, იგი მაქსიმალურად ეფექტურად ვაწარმოო.

მაია სიამაშვილი

მარკეტინგის დეპარტამენტის ხელმძღვანელი

ჩემი პირველი შეხვედრა Smartpharm-ის დირექტორთან, თეა მგალობლიშვილთან, 2018 წელს შედგა, საერთო ნაცნობობის რეკომენდაციით. მიუხედავად იმ პერიოდის კომპანიის მდგომარეობისა, მაშინვე შევიძინე დარწმუნებულობა, რომ ჩემი ადგილი ამ გუნდში იქნებოდა. 2019 წლის ოქტომბერში დავიწყე მუშაობა კომპანიაში.მოლოდინები სრულად გამიმართლა — კომპანია განუწყვეტლივ ვითარდება, რაც საშუალებას მაძლევს გამოვავლინო და გავუზარდო ჩემი პროფესიული შესაძლებლობები. ამჟამად ვხელმძღვანელობ მარკეტინგულ ჯგუფს.

Smartpharm-ის გუნდი გამოირჩევა მაღალი პროფესიონალიზმით, პასუხისმგებლობით და გუნდურობით. კომპანია არ წარმოადგენს მხოლოდ სამუშაო სივრცეს, არამედ განვითარების და ინოვაციის პლატფორმას, რომელიც ემსახურება მაღალი ხარისხის მედიკამენტების მიწოდებას მომხმარებლებისთვის.ჩემი საქმიანობა მოიცავს მარკეტინგული გუნდის ხელმძღვანელობას და გაყიდვების მონიტორინგს, გუნდის მართვასა და კლიენტთა მომსახურების ხარისხის უზრუნველყოფას. ვცდილობ მაქსიმალურად გავუზიარო გამოცდილება და ცოდნა, რაც ხელს უწყობს კომპანიის მდგრად განვითარებას.

Smartpharm-ში მიღებული გამოცდილება მეხმარება პროფესიულ და პიროვნულ ზრდაში, რაც კრიტიკულ სიტუაციებში ეფექტური გადაწყვეტილებების მიღების შესაძლებლობას მაძლევს.

მომავალი გეგმები ეფუძნება ინოვაციურ პროექტებს, რომლებიც მიზნად ისახავს ახალი მედიკამენტების დანერგვას და კომპანიის პროდუქციის ხელმისაწვდომობის გაზრდას. ძირითადი ღირებულება არის გუნდური მუშაობა და შედეგზე ორიენტირებულობა, რაც უზრუნველყოფს კომპანიის სტაბილურ ზრდასა და ბაზარზე ლიდერობას.

რუსუდან ნუცუბიძე

HR მენეჯერი

ჩემი კარიერული გზა Smartpharm-ში დაიწყო ვაკანსიაზე გამოხმაურებით, რომელიც ერთ-ერთ დასაქმების პლატფორმაზე იყო გამოქვეყნებული. მიუხედავად იმისა, რომ ეს სფერო სრულიად ახალი იყო ჩემთვის, შერჩევის პროცესის წარმატებით გავლის შემდეგ აქტიურად დავიწყე მუშაობა და მალევე გავხდი კომპანიის განვითარების პროცესის ნაწილი.

უკვე ერთ წელზე მეტია ვხელმძღვანელობ კომპანიის ადამიანური რესურსების მიმართულებას. ჩემი პასუხისმგებლობაა, HR პროცესები არა მხოლოდ ეფექტიანად, არამედ სტრატეგიულად, კომპანიის მიზნებთან თანხვედრაში წარვმართო. იყო Smartpharm-ის გუნდის წევრი ჩემთვის ნიშნავს ერთდროულად პასუხისმგებლობას და პროფესიულ შესაძლებლობას — სივრცეს, სადაც თანამშრომელთა მოტივაცია და ორგანიზაციული შედეგები ერთმანეთთან მჭიდროდ არის დაკავშირებული.

Smartpharm ჩემთვის არის ძლიერი, სტაბილური და მზარდი კომპანია, რომელსაც გააჩნია თანამედროვე ხედვა და მუდმივი განვითარების კულტურა. იგი გამოირჩევა მოქნილობით, სიახლეებისადმი ღიაობით და ინოვაციებზე ორიენტაციით, რაც არსებითად განასხვავებს მას სხვა სამუშაო გამოცდილებებისგან.

ერთ-ერთი მნიშვნელოვანი ეტაპი ჩემს საქმიანობაში იყო HR პროცესების გაციფრულება და სანებართვო პროცესებში წარმატებული ჩართულობა.

ჩემთვის განსაკუთრებით მნიშვნელოვანია ძლიერი გუნდის ჩამოყალიბება — ადამიანური რესურსის მიმართულებით მაღალკვალიფიციური პერსონალით კომპანიის გაძლიერება. მჯერა, რომ ამ გზით როგორც ორგანიზაცია მიაღწევს ახალ ეტაპს განვითარებაში, ასევე მეც განვვითარდები პროფესიულად.

სალომე ვაშალომიძე

დისტრიბუციის დეპარტამენტის ხელმძღვანელი

ჩემი პროფესიული ურთიერთობა Smartpharm-თან მეგობრის რეკომენდაციით დაიწყო. იმ დროს, როდესაც გუნდის წევრი გავხდი, წარმოდგენა არ მქონდა, რამდენად მნიშვნელოვანი ნაწილი გახდებოდა ეს ადგილი ჩემი კარიერისთვის. მოლოდინების გამართლების საუკეთესო დასტურია ის, რომ უკვე დისტრიბუციის დეპარტამენტს ვხელმძღვანელობ.

Smartpharm-ში ჩემი მთავარი ამოცანაა საოპერაციო სისტემების გამართული მუშაობის უზრუნველყოფა. ამასთანავე, ვხელმძღვანელობ დისტრიბუციის მიმართულებას, ვაკონტროლებ და ვმონიტორინგებ გაყიდვებს, ვორგანიზებ შეთავაზებებს, ვმართავ ოპერატორებსა და დისტრიბუტორებს. უმთავრესია ისიც, რომ ვზრუნავ კლიენტის მაღალი ხარისხით მომსახურებაზე. ყოველდღიური მუშაობა მოითხოვს დეტალებზე დაკვირვებულობას, ორგანიზებულობას, ოპერატიულობასა და პასუხისმგებლობის მაღალ დონეს. ეს თვისებები ჩემში Smartpharm-მა კიდევ უფრო გააძლიერა.

კომპანია ჩემთვის არ არის მხოლოდ სამუშაო ადგილი — ეს არის სივრცე, სადაც ფასდება ადამიანის შრომა და ცდილობენ მისი მაქსიმალური რეალიზება. Smartpharm არის მზარდი ფარმაცევტული კომპანია, რომელიც მუდამ ინარჩუნებს სიახლეებისკენ სწრაფვას. აქ ყველას ეძლევა შანსი — აღმოაჩინოს საკუთარი შესაძლებლობები და განვითარდეს იმაზე მეტად, ვიდრე წარმოიდგენდა.

წლების განმავლობაში მიღებული გამოცდილება მაძლევს შესაძლებლობას, მაქსიმალურად დავახმარო კომპანია ცოდნით, პროფესიონალიზმითა და პასუხისმგებლობით. ჩემი პირადი მიღწევა სწორედ ამ უწყვეტი განვითარების ფონზე შედგა — დავიწყე ოპერატორის პოზიციიდან და დღეს ვხელმძღვანელობ საოპერაციო მიმართულებას დისტრიბუციის მიმართულებით. ეს არის მაგალითი იმისა, თუ როგორ აფასებს კომპანია შრომასა და თავდადებას.

რაც შეეხება სამომავლო გეგმებს — ამ ეტაპზე რთულია კონკრეტულ გეგმებზე საუბარი, რადგან კომპანია ყოველდღიურ რეჟიმში იზრდება და ვითარდება. ეს ზრდა კი თავისთავად გულისხმობს ცვლილებებს, ახალ გამოწვევებსა და მიზნების გადახედვას. მთავარი ის არის, რომ გუნდი ერთობლივად ვართ ორიენტირებული საერთო წარმატებაზე და გვაქვს მკაფიო ხედვა: ვიყოთ ერთ-ერთი წამყვანი მოთამაშე ქართულ ფარმაცევტულ ბაზარზე.

სოფო ხუჭუა

იურისტი

სმარტფარმში შერჩევის წარმატებით გავლის შედეგად მოვხვდი და მალევე დავრწმუნდი, რომ ეს იყო სივრცე, სადაც ჩემს პროფესიულ გამოცდილებას რეალური მნიშვნელობა ჰქონდა. უკვე რვა თვეა, რაც ვარ კომპანიის იურისტი და ვმუშაობ სამართლებრივი პროცესების გამართვაზე, რისკების შეფასებაზე და კონტრაქტების მართვაზე, მათ შორის საერთაშორისო დონეზე.

Smartpharm-თან თანამშრომლობა ჩემთვის ნიშნავს პროფესიულ განვითარებას, მაღალი სტანდარტების დაცვას და იმ ღირებულებების გაზიარებას, რაც კომპანიის წარმატებას საფუძვლად უდევს. აქ სამართლებრივი მხარდაჭერა განიხილება როგორც განვითარების ინსტრუმენტი და არა ბარიერი.

მნიშვნელოვან პროექტებზე მუშაობამ და პროფესიული ნდობის დამკვიდრებამ გამაძლიერა მოტივაცია, რომ მომავალშიც აქტიურად ჩავერთო კომპანიის სტრატეგიულ საკითხებში. ვცდილობ, ჩემი წვლილი იყოს მაქსიმალურად ეფექტიანი და მდგრადი – სმარტფარმის განვითარება ჩემთვის პირად წარმატებასაც ნიშნავს.

ირაკლი თევზაძე

მისია

კომპანიის მისიაა, გააუმჯობესოს და უკეთესი გახადოს ყოველდღიური ცხოვრება, სამყარო და გარემო იმისთვის, რომ ადამიანებმა (იქნება ეს პარტნიორი, მომხმარებელი, თანამშრომელი თუ საზოგადოების წარმომადგენელი) გააგრძელონ ცხოვრება ღირსეულად, ბედნიერად და მრავალფეროვნად.

პარტნიორები

ყველა ჩვენი მედიკამენტები სარგებლობს განსაკუთრებული სანდოობითა და წლების მანძილზე დაგროვილი პოზიტიური გამოცდილებით ევროპულ და უკვე ქართულ ბაზრებზე. მათი ეფექტურობა და ფორმულები დამტკიცებული და აღიარებულია ევროპისა და ამერიკის ჯანდაცვის ორგანიზაციების მიერ. ჩვენს პრეპარატებს წარმატებით იყენებენ ქვეყნის წამყვანი სპეციალისტები, კლინიკები და პოლიკლინიკები.

ჩვენ მუდმივად ვზრუნავთ ჩვენი შეთავაზებების გაუმჯობესებაზე უკეთესი გაგრძელებისთვის!