ფარმაკოთერაპიული ჯგუფი:

რეფლექტორული მოქმედების  კორონაროდილატატორი

ATX კოდი: C01EX

ფარმაკოლოგიური თვისებები

ფარმაკოდინამიკა

ამჟღავნებს სედატიურ მოქმედებას,  აქვს ზომიერი რეფლექსური ვაზოდილატაციური ეფექტი, რომელიც განპირობებულია ნერვული დაბოლოებების აგზნებით. ასტიმულირებს ენკეფალინების, ენდორფინებისა და რიგი სხვა პეპტიდების, ჰისტამინის, კინინების წარმოქმნას და გამოყოფას (ლორწოვანი გარსის რეცეპტორების გაღიზიანების გამო), რომლებიც აქტიურად მონაწილეობენ სისხლძარღვების გამტარობის რეგულირებაში, ტკივილის წარმოქმნაში. სუბლინგვალურად თერაპიული მოქმედება, საშუალოდ, ვლინდება 5 წუთის შემდეგ, ხოლო 4 წუთში გამოთავისუფლდება  პრეპარატის დაახლოებით 70%.

ფარმაკოკინეტიკა:

სუბლინგვალური გამოყენებისას ლევომენთოლი აბსორბირდება პირის ღრუს ლორწოვანი გარსიდან, მეტაბოლიზდება ღვიძლში და გამოიყოფა თირკმელებით გლუკურონიდების სახით.

წამლის ფორმა: სუბლინგვალური ტაბლეტები
შემადგენლობა 1 ტაბლეტში: მოქმედი ნივთიერება:
ლევომენთოლის ხსნარი მენთილიზოვალერატში (ვალიდოლი) – 60,0 მგ დამხმარე ნივთიერება: საქაროზა - 1150,0 მგ
კალციუმის სტეარატი - 13,0 მგ

აღწერა: თეთრი ფერის ტაბლეტები.  დასაშვებია მოყვითალო შეფერილობა და მონაცრისფრო ჩანართები. ტაბლეტები მენთოლის დამახასიათებელი სუნით, 

ბრტყელცილინდრული ფორმის, კიდით და ჭდით.

გამოყენების ჩვენებები: ფუნქციური კარდიალგია, ნევროზები და აგრეთვე, როგორც პირღებინების (გულისრევის) საწინააღმდეგო საშუალება ზღვისა და ჰაერის დაავადებების დროს. 

უკუჩვენებები: მომატებული მგრძნობელობა პრეპარატის კომპონენტების მიმართ, ასაკი 18 წლამდე (მონაცემების არარსებობა პრეპარატის ეფექტურობისა და უსაფრთხოების შესახებ ბავშვებში). საქაროზ/იზომალტაზას უკმარისობა, ფრუქტოზის აუტანლობა, გლუკოზა-გალაქტოზას მალაბსორბცია (რადგან პრეპარატი შეიცავს საქაროზას).

სიფრთხილით გამოყენება: შაქრიანი დიაბეტი (პრეპარატი შეიცავს შაქარს)

გამოყენება ორსულობისა და ლაქტაციის პერიოდში:  პრეპარატის დანიშვნა ორსულობისა და ლაქტაციის პერიოდში შესაძლებელია მხოლოდ იმ შემთხვევაში, როდესაც დედისთვის სავარაუდო სარგებელი აღემატება ნაყოფის ან / და ბავშვის პოტენციურ რისკს. აუცილებელია ექიმთან კონსულტაცია. 

მიღების მეთოდი და დოზირება:

მოზრდილებში ვალიდოლი ინიშნება  1 ტაბლეტი ენის ქვეშ მის სრულ გაწუწვნამდე. 1 ტაბლეტის მიღება შესაძლებელია დღეში 2-3-ჯერ. მიღების სიხშირე და ხანგრძლივობა  განისაზღვრება მკურნალობის ეფექტურობის შესაბამისად. 5-10 წუთში თერაპიული ეფექტის არ არსებობის ან არასაკმარისი ეფექტის გამომჟღავნების შემთხვევაში აუცილებელია ექიმთან კონსულტაცია სხვა თერაპიული გზის დანიშვნის მიზნით.

გვერდითი ეფექტები: 

შესაძლებელია: გულისრევა, ცრემლდება, თავბრუსხვევა. პრეპარატის მიღების შეწყვეტისას, ეს გვერდითი მოვლენები, როგორც წესი, თავისთავად ქრება. შესაძლებელია ალერგიული რეაქციების განვითარება (გამონაყარი კანზე, ქავილი, ანგიონევროზული შეშუპება). გვერდითი მოვლენების გამომჟღავნებისას, რომლებიც  არ არის აღწერილი ინსტრუქციაში, უნდა შეწყვიტოთ პრეპარატის მიღება და ამის შესახებ აცნობოთ ექიმს.

ჭარბი დოზირება:

სიმპტომები: გულისრევა, თავის ტკივილი, არტერიული წნევის მკვეთრი დაქვეითება, ცენტრალური ნერვული სისტემის დათრგუნვა, გულის მუშაობის დაქვეითება, შფოთური მდგომარეობა

მკურნალობა: წამლის მოხსნა, სიმპტომური თერაპია. 

ურთიერთქმედება სხვა პრეპარატებთან:

ერთდროული გამოიყენება ისეთ მედიკამენტებთან, რომლებიც თრგუნავენ ცენტრალურ ნერვული სისტემას,  აძლიერებს ამ უკანასკნელის ეფექტს.

ვალიდოლის ერთდროული გამოყენება ნიტრატებთან ამცირებს თავის ტკივილს, რომელიც განპირობებულია მათი გამოყენებით.

განსაკუთრებული მითითებები: 

სიფრთხილით უნდა დაენიშნოს პაციენტებს, რომლებსაც აქვთ შაქრიანი დიაბეტი, რადგან  ვალიდოლის ერთი ტაბლეტი შეიცავს 0,09 პურის ერთეულს (XE ).

არ არის რეკომენდებული ალკოჰოლთან ერთდროული მიღება.

გავლენა სატრანსპორტო საშუალებების და მექანიზმების მართვის უნარზე: 

მკურნალობის პერიოდში საჭიროა სიფრთხილის გამოჩენა  სატრანსპორტო საშუალებების მართვისას და სხვა პოტენციურად საშიში საქმიანობებით დაკავებისას, რომლებიც საჭიროებენ ყურადღების მომატებულ კონცენტრაციას და ფსიქომოტორული რეაქციების სისწრაფეს.

გამოშვების ფორმა: სუბლინგვალური ტაბლეტები, 60.0 მგ.

10 ტაბლეტი თავსდება პოლივინილქლორიდის კონტურულ უჯრედოვან შეფუთვაში ალუმინის დაბეჭდილი ლაქირებული ფოლგით. 1 ბლისტერს  გამოყენების ინსტრუქციასთან ერთად მოთავსებულია  მუყაოს კოლოფში.

შენახვის პირობები: ინახება არა უმეტეს 25 °С ტემპერატურაზე.  შეინახეთ ბავშვებისთვის მიუწვდომელ ადგილზე.

ვარგისობის ვადა : 3 წელი.  არ გამოიყენოთ ვარგისიანობის ვადის გასვლის შემდეგ.

გაცემის პირობები:  ფარმაცევტული პროდუქტის ჯგუფი III, გაიცემა რეცეპტის გარეშე.